සිරුරේ නිරාවරණය නොවිය යුතු තැන් වසා ගන්නට උපකාරී වන බිකිනිය

කතුන් ස්නානය සඳහා ශරීරයේ ලා ගන්නා කෙටි ඇඳුම බිකිනියයි. එය සංක්ෂිප්ත . සිරුරේ නිරාවරණය නොවිය යුතු තැන් වසා ගන්නට උපකාරී වෙයි. ස්නානයට ද සැබෑ අරුත් සපයයි. නාන ඇඳුමක් ගැන මෙතරම් අවධානයක් කුමකට ද... එහි ඇති අගය කුමක්ද... මේ ඒ පිළිබඳ විමසා බැලීමකි.
බිකිනියේ නූතන ස්වරූපය මුල්වරට එළි දුටුවේ 1946 දීය.
ලුවී රියාර්ඩ් නමැත්තා විසින් එම හඳුන්වාදීම කරන ලදී. කාන්තා ඇඳුම් පිළිබඳ අවධානය යොමු කළද ඔහු ඉංජිනේරුවෙකි. ජාතියෙන් ප්‍රංශය.එහෙත් පැරණි රෝමය බිකිනියට ද වැදගත්ය.
ඒ බිකිණියේ ඉතිහාසය එම යුගය දක්වා විහිද යන බැවිණි. නමුදු මේ ඇඳුම එකල භාවිත වූයේ කෙළි සෙල්ලමේදීය. ආදි කාලීන කෙළි කෙළින යුවතියන්ට මේ ඇඳුම වඩා පහසු හා ප්‍රායෝගික බව එකල පිළිගැනීම විණි.

ඒ අනුව මධ්‍යකාලීන යුගයේ ගී‍්‍රස්මයත් අශ්ව කරත්ත ධාවන තරඟත් ඔස්සේ බිකිනිය සියවස් ගණනාවක ඉතිහාසය පසුකර තිබේ.
ලුවී රියාර්ඩ් ඒ ඉතිහාසය දහනව වැනි සියවස වෙත රැගෙන විත් නවීකරණය කරන ලද්දේ 1946 වසරේ ජූලි මස පස්වැනිදාය. පැරීසියේ සුප්‍රසිද්ධ නාන තටාකයක් වූ “පිසිනේ මොලිටෝ” හිදී ඔහු මේ කෑලි දෙකේ අපූරු ඇඳුම දියට දැම්මේය.
ඒ දෙවැනි ලෝක යුද සමයයි. “ඇටොමික්” බෝම්බය මහ පොළවට හෙළා පරීක්ෂාවට ලක්කරන ලද්දේ ඊට දින හතරකට පෙරදීය. ඒ අනුව ලුවීගේ නව හඳුන්වාදීමට “බිකිනි ඇටෝල්” යැයි නම් ලැබිණි.
“ඇටෝල්” ටද කලින් මේ කාන්තා කෙටි නාන ඇඳුම භාවිත වූ බව අමතක නොකළ මනාය.
1907 වසරේදී ඒ ඇඳුමට නව පෙනුමක් ලබාදුන්නේ ඇනට් කෙලර්මන්ය. ඔස්ට්‍රේලියානු පිහිනුම් ශූරියක මෙන්ම සිනමා තාරකාවක් ද වූ ඈ මේ ඇඳුම හැඳ සිටිනවා බලා ඉන්නට නොහැකිවූ එරට පොලිසිය එදා ඇය අත්අඩංගුවට ගත්තේය. 
සැබෑවටම එම ඇඳුමේ වූයේ එක කොටසක් පමණි.


එනමුත් ඉදිරිගාමී කතුන් මේ අපූරු විලාසිතාවට සමු දෙන්නට සූදානම් වූයේ නැත. 1939 වසරේදී එයට නව මුහුණුවරද එක්වූයේ ද එබැවිණි.
මේ කඹ ඇදීම් අතරේ සමහර කතුන්ගේ ඉරිදා විශේෂිත ඇඳුම වූයේද මෙයමයි. එවිට මුහුදු රළ පවා මහා වේගයෙන් දිවවිත් ඒ කතුන් අසලදී නිසල විය.
කොටස් දෙකේ බිකිනි ඇඳුම අමෙරිකානු වෙරළ තීරවල සුදිලෙන්නට පටන් ගත්තේ හතළිහ දශකයේදීය. එයට ආණ්ඩුවෙන් ද තල්ලුවක් ලැබිණි. යුද සමය වූ එසමයේ එරට ආණ්ඩුව කියා සිටියේ නාන ඇඳුම්වලට ගන්නා රෙදිවලින් සියයට දහයක ප්‍රමාණයක් අඩුකළාට වරදක් නොමැති බවය. රීටා හේවර්ත් වැනි නිළියන්ට එය ඉබ්බා දියේ දැමීමක් හා බඳුවිය.

ලුවී රියාඩ් හා බිකිනිය අතර නොබිෙඳන සබඳතාවක් පවතී. හම දුඹුරු පැහැ ගැන්වීම පිණිස කෙටි නාන ඇඳුම් ඇඳ වැල්ලේ වැතිර සිටින ලලනාවන් දුටු ඔහු මීට වඩා හොඳ එකක් හඳුන්වා දෙන්නට ඇත්නම් යැයි සිතුවේය.
”මිචෙලිනී බර්නාඩිනී” නමැති නිරුවත් නැටුමට හපන් නළඟන ඔහුට හමුවූයේ එවිටය. ලුවී ඈ සමඟ එක්ව “කැසිනෝ ඩි පැරිස්” හිදී සිය නිර්මාණය එළි දැක්වූයේ ඒ අනුවය. “ලෝකයේ පුංචිම නාන ඇඳුම” යැයි ඒ නිර්මාණයට නම් දී තිබිණි.
කෙසේ වෙතත් මුල් කාලයේ බිකිනියට සුවිසල් වෙළෙඳපොළක් නොවීය. මේ නිසා කෑලි දෙකේ නාන ඇඳුම ඉල්ලුමක් නිර්මාණය වනතුරු බලා සිටියේය.

සුප්‍රසිද්ධ බ්‍රිජට් බාඩෝ එම අරමුණ ඉටු කළේ නාන ඇඳුමින් සැරසී ප්‍රංශයේ කාන් සිනමා සම්මාන උළෙලට සහභාගි වෙමිනි.
ජේන් මෑන්ස්ෆීල්ඩ්, අනීටා එක්බර්ග් සහ සොපියා ලොරේන් ද මේ විෂයයේදී ඉවත දැමිය හැකි නිළියන් නොවේ. එහෙත් එවක ස්පාඤ්ඤය, ඉතාලිය, පෘතුගාලය සහ අමෙරිකාවේ ප්‍රාන්ත ගණනාවක් මේ ඇඳුමට තහංචි පනවා තිබිණි.
1951 වසරේ පැවැති ප්‍රථම ලෝක රූප සුන්දරී තේරීමේ තරගයේ ජයග්‍රාහිකාව ස්වීඩනයේ කිකි හැකන්සන්ය. කෙටිම කෙටි කාන්තා නාන ඇඳුම ගැන ඇයට සැකයක් නොවීය. එහෙත් මේ අමුතු විකාරය ගැන කිපුණු ඇතැම් රටවල් තරගයෙන් ඉවත්වන බවට තර්ජනය කළෝය. පාප් වහන්සේද ඒ විරෝධයට එක්ව සිටි බව අමතක නොකළ මනාය.


එහෙත් පසුකාලීනව මෙවැනි තරගවලට ඒ කෙටි ඇඳුම නැතිවම බැරිවිණි. බිකිනියේ ඉතිහාසය විමසීමේදී වඩාත්ම ආකර්ෂණීය හා ජනප්‍රියම බිකිනිය සුදු පැහැ එකකි.
එය එදා මුල්වරට ඇඳ සිටියේ උර්සුලා ඇන්ඩෲස්ය. “ඩොක්ටර් නෝ” නමැති අතිශය ප්‍රබල හා ජනප්‍රිය බොන්ඩ් චිත්‍රපටයේ රඟපාමින් සුප්‍රකට උර්සුලා සුදට වටිනාකමක් ලබා දුන්නාය. එය ජේම්ස් බොන්ඩ් චිත්‍රපට මාලාවේ මෙන්ම සිනමා ඉතිහාසයේද අමරණීයම බිකිනි දැක්මයි.

1960 වසරේදී බ්‍රයන් හයිලන්ඩ් නමැති ශිල්පියා “ටීනි වීනි” යනුවෙන් බිකිනිය ගැන ගයද්දී ප්ලේ බෝයි සඟරාව ප්‍රථම වරට සිය මුල් කවරය සඳහා බිකිනිය හැඳ සිටි සුරූපිනියක යොදා ගත්තේය. ඒ 1962 වසරේදීය.
ඉන්පසු බිකිනිය ක්‍රීඩා ලෝකය ආක්‍රමණය කර එයට වසර දෙකකට වඩා කල් ගත්තේ නැත.

1966 දී පමණ බිකිනියට තවත් ආකර්ෂණීය පෙනුමක් එක්වූයේ සිනමා නිළි රැචල් වෙල්ච් එය ඇඳගත් විටය. මැර්ලින් මොන්රෝ ද මේ විෂයේදී පසුබා නොසිටි අයෙකි.
විද්‍යා ප්‍රබන්ධ චිත්‍රපට ලෝලින්ට ලී කුමරියගේ රන් පැහැ බිකිනිය කිසිදා අමතක නොවන සිහිනයකි.
මේ ඇඳුම ඇඟ උණුසුම් කරවන නිමිත්තක් බවට පසක් කරමින් 1982 වසරේ තිරගත සිනමා පටයකදී ද දැකගත හැකි විය. උර්සුලා ඇන්ඩෲස් ගිය මඟ යමින් 2002 වසරේදී තිරගත වූ බොන්ඩ් චිත්‍රපටයේදී හැලි බෙරි ප්‍රේක්ෂකයන්ගේ මුහුණට ලේ පිරවීය.

අනූව දශකයේ මුල් භාගයේදී කොටස් දෙක එකතු වී එකක් බවට පත්විණි. මුහුදු සුව විඳින සම දුඹුරු කරන්නට ඉවහල්වන මේ ඇඳුම ලෝ පුරා අමුත්තක් නැති කළේය.

එංගලන්තයේ ක්‍රීඩා සමාජයක දොරටු බිකිනි ඇඳුම ඇඳගත්තවුන් සඳහා විශේෂයෙන් විවර වූයේ පසුගියදාය. දැන් මහත්තුරුත් මේ ඇඳුම ඇඟලා ගන්නට පෝලිමේය. එය මෑන්කිනි ය.
බිය තුරන් වී කිනිය මැද පෙරදිග මෝස්තර ලෝකයටද ආවේය.
චීනයේ කිංග්ඩාඕ වෙරළ තීරයේදී බිකිනියේ තවත් ආරක් එළි දකින ලදී. ඔවුන් එයට කීවේ ෆේස්කිනි කියාය.
බිකිනි ලෝකයට හෙට තවත් බිකිනි එක්වනු ඇත. කෙසේ පැමිණිය ද එය කාන්තා කෙටි නාන ඇඳුමමය. එය තවත් කෙටිවේදැයි කියන්නට තවම කල් වැඩිය. එබැවින් අනාගතයේදී අතීතය ගැන කතා කරන්නට හැකිය.